రింగ్ వార్మ్ ను తామర , గజ్జి అని కూడా పిలుస్తూ ఉంటారు. తామర అనేది ఒక ఫంగల్ ఇన్ఫెక్షన్. తామర చర్మం లేదా తలపై ఏర్పడుతుంది , ఎక్కువగా గజ్జలు, సంక, బొడ్డు ,పిరుదులు , పాదాల పైన, వేల మధ్యలో వస్తూ ఉంటుంది.
తామర ఎవరిలో ఎక్కువగా వస్తుంది :
- చిన్నపిల్లలు
- వెచ్చని వాతావరణం (ఎండాకాలం)
- రోగ నిధుల శక్తి తక్కువగా ఉన్న వారు
- కబడ్డీ రెస్లింగ్ వంటి క్రీడలు ఆడేవారు
- బరువు ఎక్కువగా ఉన్నవారు
చిన్నపిల్లలు తొందరలో స్నానం చేసిన తర్వాత సరిగా తుడుచుకోకుండా తడిగా ఉన్నప్పుడు వెంటనే బట్టలు వేసుకునే వారిలో , అలాగే శుభ్రత పాటించని వారిలో తామర ఎక్కువగా వస్తుంది.
తామర ఎలా వ్యాప్తి చెందుతుంది :
తామర తొందరగా ఒకరి నుంచి ఒకరికి వ్యాప్తి చెందుతుంది. తామర వచ్చిన వ్యక్తిని తాకిన లేదా , వారు ఉపయోగించిన దుస్తులు ఉపయోగించిన, జంతువుల నుంచి, వస్తువుల నుంచి తామర వ్యాప్తి చెందుతుంది.
తామరలో దద్దుర్లు ఎలా ఉంటాయి :
తామర యొక్క దద్దుర్లో కేంద్రభాగం స్పష్టంగా ఉంటుంది, చుట్టూ చిన్న చిన్న ఎర్రటి దద్దుర్లు ఉంటాయి.
తామర అనేది వలయ కారంలో విస్తరిస్తుంది కాబట్టి వీటిని రింగ్ వార్మ్ అని కూడా అంటారు.
తామర లక్షణాలు ఎలా ఉంటాయి :
- చర్మం : తామర అనేది చర్మంపై ఉన్నట్లయితే దద్దుర్లు ఏర్పడతాయి తీవ్రమైన దురద ఉంటుంది.
- తల : తామర తల భాగంలో ఏర్పడినట్లయితే జుట్టు రాలిపోతుంది కొన్ని భాగంలో చిన్న చిన్న ప్యాచెస్ ఏర్పడతాయి అలాగే దురద చాలా ఉంటుంది.
- పాదాలు : తామర అనేది వేల మధ్యలో ఏర్పడుతుంది క్రమంగా పగుళ్లు దురద ఉంటాయి.
తామర వచ్చిన వారు “డర్మటాలజిస్ట్” డాక్టర్ని సంప్రదించాల్సి వస్తుంది .
తామర చికిత్స విధానం :
తామర అనేది తక్కువ ఉన్నట్లయితే Cotrimazole, Ketaconazole, Itracanazole వంటి యాంటీ ఫంగల్ క్రీమ్స్ ( Candid cream, KZ cream ) ఉపయోగించమని వైద్యులు సూచిస్తారు.
తామర తగ్గిన తర్వాత కూడా ఈ క్రీమ్స్ అనేవి సుమారు ఒకటి నుంచి రెండు వారాల వరకు ఉపయోగించాలి. ఇలా చేయకపోతే తామర మళ్లీ వచ్చే అవకాశం ఉంటుంది.
తామర తీవ్రంగా ఉన్నట్లయితే యాంటీ ఫంగల్ టాబ్లెట్స్ ( Syscan 150 mg ) ప్రతిరోజు ఒకటి మధ్యాహ్నం తిన్న తర్వాత ఉపయోగించాలి .ఇలా సుమారు నాలుగు రోజుల వరకు ఉపయోగించాలి.
తామర ఉన్నవారు ఎటువంటి జాగ్రత్తలు పాటించాలి :
- శుభ్రత పాటించాలి.
- తామర వచ్చిన వ్యక్తి వస్తువులు ఇతరులు ఉపయోగించకూడదు పంచుకోకూడదు.
- తామర సోకిన ప్రదేశాన్ని శుభ్రంగా ఉంచుకోవాలి.
- దిగుతుగా ఉండే బట్టలు కాకుండా పొడిగా గాలి వచ్చి బట్టలు ధరించాలి.
- బెడ్ షీట్స్ క్రమంగా మార్చుతూ ఉండాలి.
- బట్టలు, లోదుస్తులు అనేవి వేడినీళ్లలో ఉతికి ఆరేయాలి.
- స్నానం చేసిన తర్వాత టవల్తో శరీరం బాగా తుడిచిన, ఆరిన తర్వాత బట్టలు ధరించాలి.
మరింత సమాచారానికి క్రింది వీడియో చూడండి :
